sagooor

ساجور بت اللذين احبهم سرا
 
الرئيسيةالبوابةمكتبة الصورس .و .جبحـثالتسجيلقائمة الاعضاءالمجموعاتدخول

شاطر | 
 

 امونه بت الشيخ حمد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


عدد المساهمات : 166
تاريخ التسجيل : 21/01/2008

مُساهمةموضوع: امونه بت الشيخ حمد   السبت ديسمبر 27, 2008 1:02 am

أمونه بت الشيخ‎ ‎حمد‎
أبوها كان مزواج خلاص‎
ناسب جميع ناس البلد‎
ميلادها كان عرسا كبير‎
هيصة وضبايح مالها حد‎
يوم السماية اتيتمت‎
حكم القدر فى الام نفد‎
كانت‎ ‎شبيهة أمها‎
فى القدلة والعود اللمد‎
وبقت امل كل الشباب‎
وجمالها فى بت ما‎ ‎اتوجد‎
فى مرة رفة قليبا يوم‏‎
حبت قريب الشيح حمد‎
واظن كمان حباها هو‎
سوى‎ ‎الضلوع لى حبو سد‎
كاتمين غرامن فى القلوب‎
ولع لهيبم ما برد‎
خايفين يصارحو‎ ‎يقولو‎
شيء مايلقو بالدايرنو رد‎
خايفين عيون الناس‎
تشوفم والخبر يملأ‎ ‎البلد‎
والحب هناك عيبا كبير‎
لا بت تبوحبو ولا ولد‎
فى يوم ابوها ضحك كتير‏‎
برم شواربو بلا الاسد‎
ناداها امنة تعالى جاى‎
فوق البرش ربع قعد‎
قالتو‎ ‎هوى جاياك خلاص‎
قليبة فر وما رقد‎
حاج الخضر عارفاهو داك‎
قالتلو ايوة ابو‎ ‎سند ؟؟‎
جانى الصباح طالب ايديك‎
داير نسب شيخ البلد‎
وانا قتلو اهلا بيك‎ ‎تعال‎
يومين تلاتة تكون عقد‎
راجلا عظيم عندو القروش‎
عندوا الحرير راقد‎ ‎لبد‎
هو كمان كريم واخو رجال‎
ماعونو فى يوم ما برد‎
جرن الدموع من عينا شو‎
سكتت وابت تديلو رد‎
قام مرق خلاها فات لا سبة‎
لا كايس غرض‎
عند‎ ‎المغيرب تانى جاها‎
كدى لى محاسن الحاج سرد‎
داير يأثر فى قليبة‎
لو كان‎ ‎تقول تديهو رد‎
وقتا غلب واحتار خلاص ولع‎
فؤادو جمر وقد‎
فسر سكوت البت رضا‎
جهزولو لما الناس عقد‎
والمال مخمخم والحرير‎
تحت الرجول مدوهو مد‎
يوم‎ ‎الصفاح والناس تجوط‎
بالفرحــــة مقلوبة البلد‎
امونة تبكى بكا السواد‎
بدل‎ ‎الفرح جاها النكد‎
وبشيشى قامت للمروق‎
فى سرقة ما حس بيها حد‎
كان الحبيب‎ ‎راقد هناك‎
والصدمة قادة قليبو قد‎
وقفت قصادو بكت كتير‎
لامن دميع العين‎ ‎جمد‎
قام جاها بى شوقو الكتير‎
وقليبو داك انهد هد‎
قالتلو ما بى ايدى‎ ‎شى‎
ديل ناس ابوى وابو سند‎
اتلملمو وسووا الكلام‎
وانا لا رضيت لا جبتا‎ ‎رد‎
داك عندو مالا مو قليل‎
وابوى شاف المال سجد‎
ادانى للراجل‎ ‎العجوز‎
المن عروقو الدم شرد‎
قايلنى بسعد بالقروش‎
ولا المراح الفات‎ ‎ورد‎
لكن محـال اسعد بلاك‎
كان السماء ينهد هد‎
بديك قليبى وروحى‎ ‎ديل‎
وأعيش هناك صورة وجسد‎
اتراجعت رجعت تصد‎
لكن قليبة رجع رفض‎
مسكت‎ ‎دريبا مو قريب‎
كم بيهو صف بنوت ورد‎
قاصدة البحر دايره تموت‎
لا عيشة لاهم‎ ‎لا نكد‎
اترددت وقفت كتير‎
لامن قليبه خلاص صمد‎
شافت مسار النيل حزين‎
حتى‎ ‎النخيل حزنان خمد‎
وبشيشى فكفكت الحرير‎
لا زينة لا ربيط عقد‎
ما دام حياتا‎ ‎بقت دموع‎
وقليبة من زولا انفرد‎
قالت اخير ارتاح خلاص‎
ارسى وشقاى القالو‎ ‎حد‎
فى لحظة موج النيل علا‎
وفى جوفو غابت للابد
منقول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://sagooor.montadamoslim.com
 
امونه بت الشيخ حمد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
sagooor :: منتدي الشعر والخواطر الادبيه-
انتقل الى: